Kaj atinginte vian atenton pro la klakhokila titolo, ni klarigos.

Ni ricevis 700€ el la hispana organizo Fundación Esperanto, ni prenis iom el ili por teni la retejon, kaj plejmulton (500€), ni disdonos inter jutubistoj, kaj nun, ni demandas kiel fari la disdonadon.

Ni havos nur unu kondiĉon: Nia algoritmo pri populareco estu uzata. Tute aŭ almenaŭ parte.

Ekzemple, por la 2 unaj konkursoj, ni uzis sole nian popularecon. (unua, dua), sed, kontraŭe, por la Tubara Kantoparado, ni uzis mikson. Unuflanke ni uzis nian algortimon, kaj paralele, voĉdonado tra pullunit.

Do, unu el la demandoj estas: Ĉu pura populareco tra tubaro, aŭ mikso kun alia mezurmaniero?

Alia demando: Pagmaniero. Iel, por pure internaciaj aferoj, iu ĉifromono ŝajnas kvazaŭ “natura” elekto. Sed ĝi havas kelkajn problemojn. Aliaj solvoj estas bankoj, aŭ servoj kiel paypal, aŭ similaj. Se vi decidas respondi pri tio, bonvole pensu pri ĉiuj vidpunktoj, kaj ne nur “mi jam uzas tiun servon, mi preferas ĝin”. Ĝis nun, ni uzis bitcoin. Ni eĉ verkis rapidan gvidilon por homoj kiuj ne scias pri tion.

Kiom daŭru la konkurso(j)n? Ekzemple, ne egalas 5 semajnaj konkursoj, kun 100€ disdonotaj en ĉiu konkurso kaj fari nur 1 konkurso dum 5 semajnoj.

Kaj fine, jen la gravaj demandoj, kiuj rajtos partopreni?

1. Ĉu ni organizu unu konkurson aŭ kelkajn? Ju pli da konkursoj kaj premiotoj, des pli malalta estos la premioj, evidente.
2. Ĉu ĉiuj filmoj konkursos, aŭ estos iu limo? Eblaj limoj:
   • Ĉu filmoj faritaj por la konkurso(j), aŭ ankaŭ malnovaj filmoj rajtu partopreni?
   • Ĉu nur filmoj en Esperanto, aŭ ankaŭ dulingvaj aŭ priesperantaj filmoj rajtos partopreni?
   • Ĉu ĉiuj proponu ajnan kvanton da filmoj? Ĉu iu limo entute?

Rimarku, ke ajna limo povas esti difuza kaj aldonas novajn problemojn: Minimuma kvalito postulos antaŭfiltro farita de homoj, minimuma daŭro povas sennecese plilongigi filmon, peti originalecon postulas klaran difinon (ĉu versio de alilingva kanto estas originala? ĉu originala muzikigo de ekzistanta poemo estas originala? ktp)

Pensu, ankaŭ, pri ke la celoj estas ne nur helpi partoprenantoj en konkursoj, sed ke aliaj filmoj estos spektitaj, eĉ se ili ne partoprenas. Kaj ankaŭ ke tiu efekto estu longdaŭra.

Kaj, por fini, pensu ke ĉi tio estas nur cerbumado, por fari decidon. Kompreneble, ju pli serioza kaj kompleta estos la propono, des pli serioze ni taksos ĝin. Ankaŭ helpo per mono al premiotoj aŭ per organizado helpos ke ajna propono estos pli serioze taksita.