Se vi legas ĉi tion, plej eble vi jam scias pri nia unua konkurso, ĝia rezulto, kaj efikeco.

Ni faros estontaj konkursojn, kaj nune, ni pretigas duan konkurson. Sed, antaŭe ni ŝatus plibonigi la konkurson, ne nur el vidpunkto de Aperu! sed ankaŭ por partoprenontoj kaj spektontoj.

Tial, ni ŝatus koni viajn opiniojn pri multaj ecoj de pasinta konkurso, kaj kiel pribonigi ilin por dua konkurso, kaj por estontaj konkursoj. Ajna komento kiu helpos plibonigi la konkurson estas bonvena, sed memoru, ke ĉi tio estas nur konsultejo, ne decidejo.

Vi povas uzi, kiel skripton por respondi jenan liston:

1. Pri tempo:
   1. Kiom longe la konkurso daŭru? Momente 1 semajno konkurso ŝajnas bona tempo. En pasinta konkurso, plej multo de la aktiveco okazis dum la unuaj 3 tagoj, do ne tro sencas pli longe daŭrigi ĝin. Pasinta konkurso estis el lundo al dimanĉo. Eble indas fari tion el merkredo al mardo, ekzemple.
   2. Kiam anonci la konkurson? Ni anoncis la unuan konkurson 10 tagojn antaŭ la komenco de la konkurso. Almenaŭ 1 semajno ŝajnas taŭga periodo por ke homoj scios pri ĝi.
2. Pri temoj:
   1. Ni ne postulis kreaĵon pretigata eksplicite por la konkurso, simple, ke la filmo estu en Esperanto. Ne gravis pri kio temas la filmo, aŭ ĉu la filmo estis nova, malnova, ne gravis la tekniko… Almenaŭ por la dua konkurso, ne ŝajnas esti kialo por ŝanĝi tion.
   2. Alilingvaj priesperantaĵoj ne ricevos premion. Malofte tiaj afiŝoj tre populariĝas en tubaro.aperu.net, sed indas meti tion kiel regulon. Kelkfoje estas afiŝoj kiuj estas malfacile enkategorieblaj, sed, denove, tiuj malofte tro populariĝas. Se estas la kazo, ni faros nian plej bonon. Memoru ke ni faras la unuajn konkursojn por lerni!
3. Pri premioj:
   1. En pasinta konkurso, estis tri premiitoj.
   2. La premioj estis ekvivalenta al 25€, 15€ kaj 10€.
      Ĉu vi pensas ke modifi la premiojn instigos pli da homojn aktive partopreni? Memoru ke “partopreni”, por nia konkurso, signifas “aktive kaj efike diskonigi tubaran afiŝon”. Pensu ankaŭ ke aliaj celoj de la konkurso estas plibonigi la agordojn de nia algoritmo, kaj ke eĉ homoj kiuj ne partoprenas la konkurson, profitos el ĉi ekzisto (tralegu la ligitan artikolon pri efikeco). Alia celo estas ke malrekte, la kvalito de esperantaĵoj plialtigos, ĉar spektantoj diskonigos ne nur por helpi kreintojn, sed ankaŭ por montri bonajn kreaĵojn.
      Do, plialtigi samtempe kaj la premiojn kaj la kvanton da premiitoj provokos ke la konkurso okazos malpli ofte, kaj ni havos malpli da oportunoj por plibonigi la konkurson. La mono de la konkurso venas el Konkurso de Francisco Máñez.
   3. Ni limigis ke sama kanalestro povas ricevi nur 1 premion. Do, se hazarde la tri plej popularaj afiŝoj estus el sama kanalo, la premiitoj estos por la 4a kaj la 5a plej popularaj afiŝoj. Denove, ne ŝajnas esti kialo por ŝanĝi tion.
   4. Monvaluto. En nia unua konkurso ni uzis la ĉifromonon bitcoin. Ŝajnas logike, en internacia etoso kiel ĉi tiu, uzi ĉifromonon. Kaj ni elektis Bitmonon pro ĝia populareco, sed kompreneble tio ne estas la sola eblo. Aliaj ebloj estas:
      1. Bitcoin + Lightning Network
      2. Bitcoin cash
      3. Nano
      4. Monero
      5. Iu stablecoin kiel USDC / aŭ EURC
         Ĉiuj havas siajn avantaĵojn kaj malavantaĝojn, sed la plej gravaj necesoj por ĉi tiu konkurso estas malaltaj komisionoj, facileco de uzado, kaj facileco de vendado en konataj interŝanĝejoj. Estas aliaj dezirindaj ecoj, kiel la eblon uzi ĝin en Esperanto, kaj rapideco, inter aliaj ecoj, sed ne tiel gravaj, Kompreneble, eblas ankaŭ tradiciaj sendometodoj kiel PayPal, Western Union aŭ similaj, sed tio devigos premiitojn uzi iun konkretan entreprenon. Kompreneble, tiu ĉi listo ne estas fermita listo de proponoj.

Rimarku ke eblas opinii malsame, se vi pensas ke la konkurso estas hazarda evento, aŭ ofta agado.

Ne necesas eĉ respondi konkrete al ĉiuj demandoj, simpla komento aŭ laŭtvoĉa pensado indas. Vi povas eĉ fari filmon, podkaston, verki artikolon parolante pri tio, kaj ligi en la komentoj. Sed ni petas ke la respondoj estos klarigitaj, kaj indus ke oni komentus ne nur avantaĝojn sed ankaŭ malavantaĝoj de viaj respondoj kaj proponoj. Kiel dirite en la komenco de la artikolo, ĉi tio ne estas decidejo, sed konsultejo.