Kiel kutime, sed iomete pli malfrue, jen la plej popularaj afiŝoj dum pasinta monato:

1. Kio estas la vivo? de Pika Pika Esperanto, kun 13 spektoj, el 11 spektintoj
2. Mezuri la rapidon de la lumo per mikroonda forno ?!, de D-ro Loĉjo, 22 spektoj kaj 22 spektintoj
3. Taglibro de esperantisto | Aŭgusto 2025 [sub], de Ksenik Esperanto, kun 14 spektoj el 13 spektinoj
4. Unua Universa Kongreso de Esperanto, de Esperantaj Filmetoj, kun 14 spektoj el 14 spektintoj
5. Mi daŭrigas krei urbon por abonantoj +ROBLOX | Epizodo 3, ankaŭ de Ksenik Esperanto, kun 7 spektoj el 6 spektintoj
6. pri mia esperanta vivo en azio, de John Huang kun 11 spektoj kaj 9 spektintoj
7. “Xote das meninas” (Luiz Gonzaga) en Esperanto, de Brazila Muziko, kun 9 spektoj el 8 spektintoj
8. ESPERANTO: Komunikinte kun esperantistoj… de ELEGANTE V. Kun 9 spektoj kaj 9 spektintoj
9. Intervjuoj en la 110a UK ĉe Brno, de Esperanta Fabriko, kun 10 spektoj el 9 spektintoj
10. La interreta babilado kaj la babila etiketo – Esperanto septembro 2025, de Virineto, kun 9 spektoj kaj 7 spektintoj
11. 19a de septembro 2025 – Zsófia Kóródy kun Peter Zilvar, de Londona Esperanto-Klubo, 10 spektoj kaj 8 spektintoj
12. Amletero en Esperanto trapasanta militflamon一份穿越战火的世界语情书, de Shanny Love Esperanto 💚, kun 9 spektoj el 9 spektintoj

Kompare al aliaj monatoj, kial tiom da afiŝoj en la listo?

Ĉar okazis kelkaj kuriozaj aferoj:

Unue, unua konkurso okazis dum Aŭgusto, sed ĉi tiu dua pasinta konkurso okazis dum semajno kiu havas tagojn kaj en septembro kaj en oktobro, kaj neniu el venkintoj de dua konkurso estis inter la plej popularaj de la monato. Do la konkurso ne tiom influis, kiel en Aŭgusto.

Due, okazis tre interesa afero, la dua plej populara afiŝo ricevis preskaŭ duoblon da spektoj kaj da spektintoj ol la venkinta afiŝo. Tio okazas ĉar la filmeto de Dro Loĉjo estis tre spektita de multaj homoj, sed tiu afiŝo, aldone al spektoj, ricevis apenaŭ alian aktivecon (neniu ŝato, kompare al la 4 ŝatoj de Kio estas la vivo? aŭ neniu komento, kompare al la du komentoj de Pika Pika).

Tio montras, ke la algoritmo pli malpli kondutas laŭdezirite, kaj ĝi pli alte taksas organikajn spektojn kompare al spektoj de neinteresitaj celgrupoj.

Alia kuriozaĵo estas la 3a kaj 4a posizioj, (Taglibro de esperantisto / Unua Universala Kongreso). Nun, la plej grava eco kiu provokis la venkon estis ĉefe la sâtoj, dum Taglibro ricevis 9 ŝatojn, UUK ricevis 0. Iel ajn, estas bona afero, UUK venkis unuan premion, kaj tio provokis ke multaj homoj estis spektantaj ĝin dum la tuta monato.

Denove pliaj analizoj, 5a kaj 6a (Roblox / Xote) estas kurioze. Roblox estis spektita 7 fojojn de 6 homoj kaj Xote 11 fojojn el 9 homoj. Denove, la malsamo temas pri aliaj pli subtilaj parametroj. Xote, ricevis nek komentojn nek ŝatojn, dum 5 homoj ŝatis Roblox kaj 1 eĉ komentis. Do, oni povas konsideri ke spektoj de Roblox estas pli organikaj, kaj ke ĝiaj spektoj estas pli bonaj. Samo okazis por ceteraj pozicioj, kiuj ricevis pli spektoj ol Roblox, sed apenaŭ aldona aktiveco.

Sed atentu, trompuloj! Estas aliaj eĉ pli subtilaj parametroj kiuj influas (momente ne tro influantaj), kaj se iu afiŝo, ekzemple estus spektita 20 fojojn kun 20 ŝatoj, ni detektas ankaŭ ke tio tro strangas (tio estas nur ekzemplo por komprenigi la koncepton) kaj tiu afiŝo estos iomete malpli alte taksita pro tio ŝajna trompo.

Kion vi pensas pri la rezulto? Ĉu bonas kaj taŭgas pli alte taksi afiŝojn ne nur laŭ spektoj kaj laŭ spektintoj, sed ankaŭ laŭ subtilaj parametroj, por ordigi ne nur laŭ spektojn sed ankaŭ laŭ bonaj spektoj? Ĉu eble populareco ne estas la plej taŭga vorto por tiu koncepto? Kiun alian vorton vi proponas?

Iom post iom, ni plibonigas la algoritmon Kompreneble, neniu metodo estas perfekta, kaj ĉiuj maniero mezuri popularecon havas malavantaĝojn.